الخميس ٠٩ ديسمبر ٢٠٢١
Lang :

بمنتهي الصراحة - يناير 2021 2021-01-16 06:30:02


بمنتهي الصراحة - يناير 2021

شكرًا لكم..

" هذه الاحداث ليست من وحي خيال الكاتب .. وأي تشابه في الأحداث أو الشخصيات أو الأسماء هو ليس من محض الصدفة فهو مقصودا و متعمدا"

اكيد كانت سنه صعبه، صعبه مش بس من ناحية الشغل لا و صعبة كمان عن ناس عارفينها تعبت و ناس غيرهم ربنا اراد ان السنة دي تكون اخر سنة ليهم. ناس فقدت شغلها و ناس فقدت جزء من دخلها و ناس فقدت ارواح عزيزة عليها. وزي ما هي كانت صعبة علي الجميع كانت صعبة علي مجلة خيوط، علشان كده حابب اشكر المعلنين اللي استمروا يعلنوا معانا يا اما ايمانا منهم بقوة الاعلان حتي في الازمات او اللي اعلنوا دعما لمجلة خيوط علشان يكمل المسيرة اللي بدأت من 18 سنة لحد دلوقتي. علشان كده احب اشكر بالاسم ( ابجديا علشان ما حدش يزعل مني) :

  • الحاج أحمد الصوفي – شركة دلتا للكيماويات
  • استاذ ايمن جمال  - شركة طيبة الدولية
  • استاذ شريف موسي – شركة العربية للتجارة و التوزيع
  • د. صهيب أشرم – أشرم للكيماويات
  • استاذ علي ناجي – شركة أتاج
  • استاذ عمرو عبد المنعم – شركة نيدلز هاوس
  • استاذ عبد المنعم زغلول – شركة المصرية للتجارة و الخدمات
  • استاذ عمرو الشافعي – مصنع الشافعي جروب
  • مهندسة ليلي الجمال  - شركة نوبلتكس
  • استاذ محمد عبد الحميد – شركة جوتكس
  • استاذ محمد فودة – شركة الغربية للكيماويات

وان شاء الله السنه دي تبقي احسن علي الجميع وعلي الصناعة ..

  • برضة احب اشكر زملائي اللي بيعانوا معايا ومع المجلة مش بس السنة دي، لا من 2011 وهم مستحملين و صابرين وعلي ولاؤهم و ابتكارهم مهما اتغيرت الظروف و احب اقولهم جملتي المشهورة ليهم : " كله في ميزان حسناتكم ". كل الشكر و التقدير الي:
  • علاء شديد
  • معتصم محمد ابراهيم
  • اسماء جمال
  • اماني السيد
  • شيماء الشناوي
  • عيد شلبايه
  • محمد ابو الغيط

من غيركم ( بعد ربنا )  ما كنتش استمرت المجلة 18 سنة. و ان شاء الله لسه مكملين مع بعض و هنطور للاحسن مع التوسع في تقديم خدمات المجلة اونلاين.

  • في العدد ده هتلاقوا اعلان نازل للمعهد القومي للأورام مستشفي الثدي التابع لجامعة القاهرة، بجد مستشفي علي اعلي مستوي ومجهود كبير من دكاترة و ممرضين علشان يقدموا احسن خدمة للعيانين. انا بنفسي رحت زرت المستشفي و اتعرفت علي دكتور عماد شاش المسئول عن المستشفي – ربنا يبارك له – شخصية في منتهي الاحترام و الحرفية و لفيت معاه المستشفي كلها و شفت النظافة و كمية الاهتمام بالمرضي، بجد حاجة تفرح. ادعوكم جميعا لزيارة المستشفي و دعمها لانها بجد حاجة كويسة ومحتاجة تتعرف اكثر من كده. واحنا كمجلة خيوط و كدور بسيط منا حابين نسلط عليها الضوء و علي المجهود اللي تم فيها.

بقلم : أحمد المغلاوي

Meghalawi@khoyout.com

info@khoyout.com