الإثنين ١٠ مايو ٢٠٢١
Lang :

بمنتهي الصراحة - ابريل 2021 2021-04-27 05:27:03


بمنتهي الصراحة - ابريل 2021

طلعنا بنعرف..!

" هذه الاحداث ليست من وحي خيال الكاتب .. وأي تشابه في الأحداث أو الشخصيات أو الأسماء هو ليس من محض الصدفة فهو مقصودا و متعمدا"

  • طب ما حنا طلعنا بنعرف اهه. طب ما هو طلع عندنا كوادر و ناس محترفه بتعرف تعمل شغل على مستوي عالمي اهه ! الموكب الملكي للموميات اللي اتفرجنا عليه علي التليفزيون اداني امل ان احنا بنعرف، اداني امل ان احنا بنقدر. بنعرف و نقدر لما بنحط ليدنا في ايد بعض و نحط دماغنا في الحاجة و نخطط لها مضبوط. لما عملنا كده طلعنا حاجة مضبوطة جدا ما يختلفش عليها اثنين. وعندنا ناس موهوبة و بتركز في تفاصيل التفاصيل. الناس دي موجود منها كثير في مصر، ناس دارسة و فاهمة وموجودة في كل صنعة و منها صنعتنا. فا ليه بقي ما نشتغلش مع الناس دي و نخطط معاها و ننفذ و نوصل. بلدنا قيها ناس تفرح و قادرة و عايزة تخدم البلد. بس يا رين ندي العيش لخبازه في كل صنعة و نقوم بالبلد بقي، علشان بلدنا تستحق اكثر من كده و احنا و عيالنا يستحقوا اكثر من كده، بس نشتغل بذمة و ضمير.
  • انا عارف ان الظروف صعبة و السوق مش كويس و ما فيش سيولة كافية، بس ان شاء الله الدنيا هتفك علي السنة الجاية و السوق هيتحرك و زي ما قلنا قبل كده هتعدي، عدت سنة و نصف تقريبا، كانوا صعبين بس هانت، تماسكوا !!

قناة السويس اتسدت لمدة ست ايام و الدنيا عطلت والخساير كانت كثير ولكن ربنا فرجها والدنيا فكت و سلكت بايادي مصرية.

  • احنا شغالين  في النشرة الاليكترونية لخيوط جامد و مركزين فيها و مستمرين فيها، فيا ريت تشتركوا فيها و ابعتولنا ايميلكم و اسمكم و اسم مصنعكم علشان نزودكم علي قاعدة البيانات للناس اللي بتروحلها النشرة الاليكترونية كل شهرين و ابعتولنا رأيكم لانه يهمنا وهيساعدنا نطور و نوصل للمستقبل اللي ما فيش مفر منه، المستقبل الديجيتال info@khoyout.com

ودايما تواصلوا معانا و بلغونا عايزين تشوفوا ايه في المجلة و غير المجلة و برضه تابعونا علي موقعنا الاليكتروني و علي مواقع التواصل الاجتماعي، عندنا كل يوم اخبار جدبدة عن الصناعة

www.khoyout.com

www.facebook.com/KhoyoutMagazine

www.twitter.com/KhoyoutMagazine

  • كل سنة و انتم طيبين جميعا بشهر رمضان الكريم ربنا يعيده عليكم و علي أسركم بالخير و البركة، وان شاء الله الدنيا هتفك و الشغل هيتحسن اقرب ما تتخيلوا .

بقلم : أحمد المغلاوي

Meghalawi@khoyout.com

info@khoyout.com